عايشة في مجتمع انا بنسباله حياتي كلها بتدور في دايرة واحدة كلها بتوصل اني محتاجة راجل و اجوز.
قربتي تتخرجي ؟ مبروك يلا بقي عشان نفرح بيكي !
الشغل الايام دي مشكلة .. مايكفيش حتي تصرفي علي نفسك .. ربنا يرزقك بواحد مايحرمكيش من حاجة!!
عايزة تسافري؟ تدرسي ولا اية؟ .. حلو حلو .. اجوزي و سافروا كونوا حياتكم برا!!
طبعا اللي بكلم فيه دة طبقة النسوان اللي بتعامل معاهم من الحين للآخر
بنسبة لطبقة الفتيات و الاصدقاء و الكلام اللطيف دة
اي واحدة مصاحبة او مخطوبة بنسبالها باقي البنات دول فاشلين خلاص في حياتهم.. ماوصلوش للجائزة الكبري اللي هي وصلتلها بمجهودها الشخصي او مش شخصي مش فارقة كتير..
تشوفني مع اي كلب بلدي بسلم عليه او واقفة معاه
اية بقي النظام؟ واااالعة..اتصاحبتوا؟ شكلوا بيظبتك .. ياختي ماتخلص خلينا نخلص منك!
هانت ياختي خلاص شهر و تتخرجي .. اطلعيلك بحاجة !!
حاجة!؟؟!؟!؟!
آي نعم اعزائي الرجال .. لقد اصبحتوا “حاجة” … و شكرا :D






